Ayuntamiento de Sada

O galego está completamente excluído da páxina web do concello de Sada. Cando alguén ten a triste experiencia de visitala pode pensar que Sada está polas latitudes da Arxentina. Pero o maltrato á nosa lingua non se limita a isto. Premendo na lapela de Parroquias podemos comprobar outro exemplo máis de incumprimento da Lei de Normalización Lingüística, desta volta coa curiosa lista de presuntos topónimos formada por:  *Amexeiral, *Granja, *Veloy, *Molino del Viento, *Sadarriba, *San Mamed,  *Villablanca ou  *Las Delicias.
Eu xa lles presentei a miña queixa, pero dubido de que quen despreza aos 15.000 veciños do concello cunha porcentaxe dun 89% de galegofalantes, supoño que pouco terá en conta o meu parecer, por moi asisado que éste sexa.

Teño que lle agradecer a Francisco Xosé Rei García a información que divulgou.